Teriyaki svartbaunaskál með bökuðu graskeri, lárperu og fersku salati

Eitt bragð getur verið alveg sérstakt út af fyrir sig, eins og það er. Svo bætist við annað bragð og þá verður gjarnan til þriðja bragðið. Ef svo enn eitt og jafnvel tvennt er sett saman við, verður til eitthvað alveg óútskýranlegt sem ber þó ekki endilega keim af þeim sem fyrst voru til staðar. Þetta er einmitt einn hluti galdursins við samsetningu uppskrifta og frábæra matseld. Dæmi um framansagt gæti akkúrat verið þessi réttur. Hér er framinn galdur með hráefnum sem fara einstaklega vel saman og mynda þessa snilldar heild í lokin. Varla þarf að fara mörgum orðum um hollustuna sem er auðvitað framúrskarandi eins og í öllum okkar uppskriftum.