Rjómalagaður pestó fiskréttur með grænum ólífum, fetaosti og krydduðum kartöflubátum

Pestó er upprunalega frá Genoa á Ítalíu og kemur fram í heimildum á 15.öld. Pestó var upprunalega einungis grænt, unnið úr basillaufum, olívuolíu og Parmesan en fljótt var farið að gera rautt pestó úr tómötum, ýmist ferskum eða sólþurrkuðum. Var pestó þá notað heitt eða kalt, á fisk, kjöt eða pasta. Í þessari máltíð leikur rautt pestó stóra rullu, en þegar sú dásemdarblanda er sett saman við rjómaost, rjóma, fetaost og olífur, verða til galdrar sem erfitt er að lýsa, - en væru það ekki galdrar, ef væri hægt að lýsa því. Ýsan er mátulega bragð-mild sem passar vel með þessum litbrigðum í bragði og útliti. Fallegt & bragðgott, góða hollustu!