Risarækju tagliatelle

Þennan rétt væri sko hægt að hafa á aðfangadagskvöld, en það kvöld finnst mörgum eins og þurfi að bera fram besta mat í heimi - og oft þann dýrasta líka. Bragðið sem hér er í fyrirrúmi er himneskt hvítlauksbragð, áferðin silkimjúk en með skarpar brúnir. Hvítvín og sítróna ásamt fersku rækjubragðinu í félagsskap rjómans er ekkert til að grínast með. Semsé: veisla með lágmarkstilkostnaði og engu nema ánægju í undirbúningi. Bon apétite.