Nauta enchilada með rjómaosti og spínati

Hver er munurinn á burrito og enchilada? Munurinn ku vera bæði margvíslegur og nokkuð umdeildur, en eitt eru flestir sammála um og það er að burrito er fersk og enchilada er stökk og elduð í gegn. Munur þessi fellst meðal annars í því að burrito er fyllt og borðað strax sem býður uppá ferskt hráefni eins og hrátt grænmeti og salat. Enchiladan er hinsvegar fyllt og elduð eftirá, oftar en ekki er svo ostur bræddur ofaná. Hér er einmitt það á ferðinni; Dásamlegar seðjandi rjúkandi heitar vefjur með bræddum osti ofaná. Nautakjötið sómir sér líka sérlega vel með spínatinu og rjómaostinum sem með avókadóinu og sýrða rjómanum mynda einstaka heild.