Bakaður valhnetukjúklingur

Uppistaðan hér er kjúklingur sem er hlutlaust en ljúffengt, proteinríkt og fitusnautt kjöt. Hundrað grömm geta gefið allt að 95% af ráðlögðum dagskammti af B3 vítamíni, 50 % af seleni og 35% af B6 vítamíni. Sætar kartöflur koma vel út með sterka kjúklingabragðinu, þær vega upp á móti en um leið falla vel að. Sætar kartöflur innihalda hátt magn Beta-karótíns og haf rannsóknir sýnt að amk 3 grömm af fitu með í máltíð eykur verulega upptöku á Beta-karótíni. Því passar vel að hafa valhneturnar með, þær gefa líka svo gott ´kröns´. Það er lungamjúk sinnepssósa með, en maturinn er svo góður að margir gleyma henni bara – ekki gera það! Hún passar einkar vel með þessu lostæti.